Məxfilik siyasəti

64 Xana (64xana.az) — Azərbaycan şahmat səhnəsi haqqında açıq məlumat platformasıdır: şahmatçılar, klublar, turnirlər, partiyalar və xəbərlər. Bu sənəd hansı məlumatları topladığımızı və necə istifadə etdiyimizi izah edir.

Hansı məlumatları toplayırıq

Açıq şahmat məlumatları: şahmatçılar, reytinqlər, turnirlər, partiyalar və xəbərlər açıq mənbələrdən toplanır (FIDE, chess-results, rəsmi şahmat portalları və media). Bu, şəxsi məlumat deyil, ictimai idman məlumatıdır.

Qeydiyyat: hazırda açıq deyil və lazım da deyil — izləmə qeydiyyatsız işləyir. Mövcud hesablar üçün yalnız e-poçt və ad saxlanılır.

İzləmə (İzlə) — qeydiyyatsız: şahmatçını və ya turniri izləməyə başlayanda brauzerinizə bir funksional çərəz (xana_sub) yazılır. O, yalnız təsadüfi bir nişandır: adınız, e-poçtunuz və ya başqa şəxsi məlumat orada yoxdur, izləmələrinizi bir-birinə bağlamaqdan savayı heç nəyə istifadə olunmur və reklam üçün paylaşılmır. Çərəz yalnız İzlə düyməsini basdıqda yaranır — sadəcə səhifəyə baxmaqla yox.

Silmək: Canlı → İzlədiklərim bölməsində «Məni unut» düyməsi bütün izləmələrinizi, Telegram bağlantınızı və çərəzi silir — bazada da qeyd qalmır. Qeydiyyat və ya müraciət lazım deyil, bir kliklə.

Texniki: saytın işləməsi üçün minimal texniki məlumat. Brauzerdə tema seçimi(işıqlı/qaranlıq) və izlədiyiniz şahmatçıların siyahısının nüsxəsi lokal olaraq saxlanılır (localStorage) — yalnız səhifə tez açılsın deyə.

Məlumatı necə istifadə edirik

Toplanan açıq məlumat platformanı göstərmək üçündür: profillər, turnir cədvəlləri, xəbər lenti. İzləmə nişanı yalnız bir şey üçündür — Canlı bölməsindəki İzlədiklərim lentini sizə göstərmək. Kimin kimi izlədiyini saytda açıq göstərmirik.

Paylaşma

Biz şəxsi məlumatlarınızı satmırıq və reklam üçün üçüncü tərəflərə vermirik. Öz sosial kanallarımıza (Telegram, Instagram, TikTok, YouTube, Facebook) yalnız öz məzmunumuzu yerləşdiririk.

Sizin hüquqlarınız

Hesabınızla bağlı məlumatın silinməsini və ya düzəlişini istəyə bilərsiniz. Şahmatçı profili sizə aiddirsə və düzəliş lazımdırsa — bizimlə əlaqə saxlayın.

Əlaqə

Suallar üçün: 64xana@gmail.com

Bu siyasət vaxtaşırı yenilənə bilər. Dəyişikliklər bu səhifədə dərc olunacaq.